Berlində bıçaqla hücum nəticəsində həyatını itirmiş Almaniyanın keçmiş prezident Rixard fon Vaytszekkerin oğlunun intiqam səbəbindən öldürüldüyü məlum olub.

Unikal.org xəbər verir ki, bu barədə Almaniya mediası yazır.

Cinayətkar keçmiş prezidentin o illərdə idarəçisi olduğu “Boehringer Ingelheim” şirkətini Vietnam müharibəsində öldürücü kimyəvi maddələr işlətməkdə günahlandırır.

Ailədən intiqam almaq istəyən şəxsin  keçmiş prezident 2015-ci ildə öldüyü üçün oğlu Friz Vaytszekkeri hədəf seçdiyi bildirilir.

Cinayətkar  psixatriya klinikasında yerləşdirilib, araşdırma davam etdirilir.

Xatırladaq ki, Rixard fon Vaytszekker 1984-1994-cü illərdə Almaniyanın altıncı prezidenti olub. Qərbi və Şərqi Almaniyanın birləşməsi onun dövründə baş tutduğu üçün “Birləşmənin prezidenti” olaraq da anılır.