Bakı Mühəndislik Universitetində (BMU) informatika fənni üzrə “Respublika fənn olimpiadası”nın aşağı yaş qrupu üzrə yarımfinal turu keçirilib. Müsabiqədə ümumtəhsil məktəblərindən 82 şagird (IX sinif) iştirak edib.

Unikal.org xəbər verir ki, müsabiqə IOI (Beynəlxalq İnformatika Olimpiadası) qaydaları əsasında onlayn olaraq keçirilib. Məktəblilərə 5 alqoritmik məsələni 4 saat ərzində həll etmək, onun proqramını tərtib etmək və avtomatik qiymətləndirmə sistemi ilə sınaqdan keçirmə tapşırığı verilib.

Qeyd edək ki, yuxarı yaş qrupu üzrə 77 şagird isə (X və XI siniflər) eyni vaxtda ADA Universitetində yarışıblar.