"Evdə özünü təcridetmə rejimi koronavirus səbəbindən bütün Moskva sakinləri üçün tətbiq edilib və martın 30-dan qüvvəyə minəcək".

Unikal.org-un məlumatına görə, bu barədə öz bloqunda Rusiya paytaxtının meri Sergey Sobyanin deyib.

S.Sobyanın bildirib ki, o bu gün COVID-2019-un geniş miqyaslı və sürətli yayılmasının qarşısını almaq üçün əlavə tədbirlər haqqında fərman imzalayıb.

Mənzildən çıxmağa yalnız təcili tibbi yardıma müraciət etmək, həyat və sağlamlıq üçün digər təhlükələr olduğu halda, iş üçün, ən yaxın mağazada alış-veriş etmək, heyvanları evdən 100 m-dən çox olmayan məsafədə gəzdirmək, zibilləri atmağa gedəndə hallarında icazə verilir:

"Önümüzdəki həftə ərzində evə nəzarət və vətəndaşların hərəkəti üçün qurulmuş qaydalar sistemi quraşdırılacaq. Tədricən, lakin davamlı olaraq bu vəziyyətdə lazımlı nəzarəti gücləndirəcəyik".

Bundan əlavə, Moskva sakinləri qarşısında daha bir tələb qoyulub. Belə ki, paytaxt sakinləri zəruriyyət olmadan evdən çıxmamaq, həmçinin ən azı 1,5 m məsafəni qorumaq tələb olunub.