Türkiyənin tanınmış müğənnisi Gülben Ergen sosial şəbəkələrdə biabır olub.

Unikal.org xəbər verir ki, müğənninin hiyləsinin üstü açılıb. Belə ki, Gülben Ergen saxta hesab açıbmış və oradan öz hesabına, paylaşmalarına, əsasən də şəkillərin altından təriflər yazırmış.

Gülben Ergen bu dəfə də özünü saxta profildən tərifləmək istəyib. Lakin o, saxta hesaba keçməyi unudub və elə öz profilindən paylaşdığı şəklin altında  "Can kadın" şərhini yazıb.

Bunu izləyicələr həmin dəqiqə başa düşüblər və müğənnini ələ salmağa başlayıblar. "Əlbəttə, insan özünü sevməlidir", "Fake (saxta) hesabdan yazacaqdın fikirləşirəm" və s. kimi şərhlər yazılıb.