UEFA İcraiyyə Komitəsi oyunçularda koronavirus aşkarlandığı təqdirdə, milli komandaların matçlarının keçirilməsi qaydalarını təsdiqləyib.

Unikal.org  UEFA-nın saytına istinadən xəbər verir ki, bir komandanın bir qrup oyunçusu koronavirus səbəbindən karantinə alınarsa, 1-i qapıçı olmaqla 13 futbolçu (buraya U-21 yığması da daxildir) düzəlirsə, matç təyin olunan qaydada keçiriləcək.

Milli assosiasiya minimum oyunçu sayına (13) uyğun komandanı formalaşdıra bilməsə, mümkün olacağı təqdirdə oyun başqa tarixə təxirə salınacaq. Görüşün yeni vaxtını və yerini UEFA təyin edəcək. UEFA-nın matçın neytral meydanda keçirmək hüququ var. Bu halda ev sahibi komanda matçın təşkili və bununla əlaqəli bütün xərclərə öz üzərinə götürməli olacaq.

Matçı təxirə salmaq mümkün olmadıqda bu barədə qərarı UEFA-nın Nəzarət, Etika və Nizam-İntizam Komitəsi verəcək. Oyunun təşkilinə cavabdeh olan yığmaya görə qarşılaşma keçirilməsə və ya başa çatdırılmasa, həmin komandaya texniki məğlubiyyət veriləcək. Kollektivlərdən hər ikisi ilə bağlı problem yaranarsa, qalibi müəyyənləşdirmək üçün püşkatma olacaq. Püşkatma zamanı 3 seçim mümkündür: heç-heçə - 0:0, meydan sahiblərinin 1:0 hesablı qələbəsi, qonaqların 1:0 hesablı qələbəsi

Hakimlər briqadasının üzvlərindən hansınınsa koronavirus testi müsbət çıxarsa, UEFA həmin referini üz-üzə gələn yığmaların təmsil etdiyi federasiyalardan olan və adı FİFA siyahısında olmayan hakimlə əvəzləyə bilər.