“Kənd Təsərüffatı Nazirliyi olaraq arxa cəbhədə fəaliyyətin düzgün qurulması məqsədi ilə bölgələrdə, xüsusən təmas xəttindəki yaşayış məntəqələrində monitorinq aparırıq. Eyni zamanda, məsuliyyətimizi dərk edərək arxa cəbhədə işlərin düzgün qurulması istiqamətində fəaliyyət göstəririk”.

Unikal.org xəbər verir ki, bunu Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov ölkədə ərzaq təhlükəsizliyi ilə bağlı vəziyyət barədə danışarkən deyib.

Onun sözlərinə görə, əks həmlə əməliyyatları ölkədə məhsul yığımının aktiv dövrünə təsadüf edir və vətəndaşlarımızı narahat edən məqamlar var: “Əminliklə deyirik ki, bu gün insanlarımız istər məhsul yığımında, istərsə də, payızlıq şum əkinlərinin aparılmasında 2 qat səylə çalışırlar. Hazırda ölkədə ərzaq təhlükəsizliyinin təmin olunması üçün heç bir problem yoxdur və olmayacaq”.