Narkotik vasitələrin satışı ilə məşğul olan qrupun daha bir üzvi saxlanılıb.

Daxili İşlər Nazirliyinin mətbuat xidmətindən Unikal.org-a verilən məlumata görə, narkotik vasitə ilə tutulmuş N.Əhmədovun ətrafında Səbail Rayon Polis İdarəsi əməkdaşları tərəfindən aparılan əməliyyat tədbirləri ilə ona narkotik vasitəni satan qrupun digər üzvü R.Şexov da müəyyən edilərək saxlanılıb. Polis əməkdaşlarının onun Mərdəkan qəsəbəsindəki evində keçirdikləri əməliyyat-axtarış tədbirləri nəticəsində oradan 6 kiloqramdan artıq marixuana aşkar edilərək götürülüb.