Türkiyənin paytaxtı Ankara şəhərində terror aktı hazırlayan İŞİD terror təşkilatı üzvləri həbs olunub.

Unikal.org Türkiyə KİV-ə istinadən xəbər verir ki, Türkiyə xüsusi xidmət orqanları və jandarm qüvvələrinin birgə keçirdiyi əməliyyat nəticəsində 2 İŞİD üzvü saxlanılıb. Onlar fiziki və operativ təqib nəticəsində izlənilərkən həbs olunublar. Saxlanılanlar Ankara şəhərində böyük terror aktı həyata keçirməyi planlaşdırırmış.

Onlar Suriyada da bir neçə terror aktı və mülki əhalinin qətliamında iştirak ediblər. Deyrəzzor şəhərində İŞİD-in fəaliyyətində aktiv iştirak ediblər. Saxlanılanların əcnəbi vətəndaşlar olduğu bildirilib. Əməliyyat tədbirləri və araşdırmalar davam etdirilir.