Futbol üzrə Türkiyə Super Liqasında 28-ci tura yekun vurulub.

Unikal.org xəbər verir ki, turun son matçında "Fənərbağça" klubu doğma meydanda "Antalyaspor"u qəbul edib. Qarşılıqlı hücumlar şəraitində keçən görüş 1:1 hesabı ilə yekunlaşıb.

Günün digər görüşündə "Kasımpaşa" "Trabzonspor"a 2:1 hesabı ilə məğlub olub. "Alanyaspor" - "Göztəpə" matçında isə qalib müəyyənləşməyib.

Qeyd edək ki, hazırda Türkiyə Super Liqasının turnir cədvəlinə 57 xalla "Qalatasaray" liderlik edir. İkinci pillədə onunla eyni xala malik olan "Beşiktaş", üçüncü pillədə isə 55 xal toplayan "Fənərbağça" qərarlaşıb.