Gürcüstanda koronavirus pandemiyasının üçüncü dalğası başlayıb.

Unikal.org  xəbər verir ki, bu barədə Gürcüstanın Xəstəliklərə Nəzarət Milli Mərkəzinin rəhbəri, baş epidemioloq Amiran Qamkrelidze bildirib.

Onun sözlərinə görə, hökumət üçüncü dalğanın daha böyük fəsadlara səbəb olmaması və genişmiqyaslı epidemiyaya çevrilməməsi üçün tədbirlər görür.

Baş epidemioloq vətəndaşları tətbiq olunan qaydalara riayət etməyə çağırıb.

Xatırladaq ki, bu günə qədər Gürcüstanda 288 min 396 nəfər koronavirusa yoluxub, 3877 pasiyent dünyasını dəyişib.