Bu gün AVRO-2020-nin həlledici hissəsi start götürəcək.

Unikal.org xəbər verir ki, turnirin son 6 günündə yarımfinal və final görüşləri təşkil olunacaq.

Bu matçların hamısı İngiltərənin paytaxtı Londonda keçiriləcək. Həlledici qarşılaşmalara “Uembli” ev sahibliyi edəcək.

İlk finalçı bu gün bəlli olacaq. İtaliya millisi İspaniya ilə qarşılaşacaq. Yeganə qitə çempionluğu 53 il öncəyə təsadüf edən apenninlilər üçqat Avropa çempionunu keçməyə çalışacaq.

İkinci yarımfinalçılardan biri meydan sahibləri olacaq. İlk qitə çempionluğunu doğma məkanda qazanmağa köklənən İngiltərə turnirin sürpriz komandası Danimarka ilə qarşılaşacaq. Qonaqlar 29 il əvvəlki nailiyyətini təkrarlamaq üçün futbolun yaradıcılarını keçməlidir.

Qeyd edək ki, iyulun 11-dəki final oyunu da “Uembli”də keçiriləcək