İranla Əfqanıstan arasında təyyarə reysləri bir aylıq fasilədən sonra bərpa olunub.

Unikal.org xəbər verir ki, sentyabrın 15-də Məşhəd şəhərindən uçan İranın "Mahan Air" aviaşirkətinə məxsus təyyarə göyərtəsindəki 19 sərnişinlə Kabilin hava limanına enib. Daha sonra o, sərnişinlərlə birlikdə Kabildən Məşhəd şəhərinə uçub.

Qeyd edək ki, "Taliban" Əfqanıstanda hakimiyyəti ələ keçirdikdən sonra Kabil hava limanının Uçuşları İdarəetmə Mərkəzi müəssisənin sistemlərinin sıradan çıxdığını və BMT-nin nəzarətinə verildiyini bildirmişdi. Bunun ardınca Əfqanıstanın hava məkanı bütün uçuşlar üçün bağlanmışdı. Ona görə də avqustun 16-dan etibarən İranın Mülki Aviasiya Təşkilatı, o cümlədən "Mahan Airlines" Kabilə uçuşu dayandırmışdı.