Antalyanın Manavgat mahalında ətrafında 5 ulduzlu otellərin olduğu Sorgun meşəsində 3 yeri yandırandan sonra 4-cü yeri yandırmağa çalışan şəxs saxlanılıb.

Uunikal.org "Sözcü" qəzetinə istinadən xəbər verir ki, meşəni yandırmağa çalışan şəxs 31 yaşlı Semih Kuloğludur. Şahidlərin sözlərinə görə, meşə məmurları və polis tərəfindən yaxalanan Kuloğlu əlində daim içki şüşələri ilə birlikdə meşədə gəzişirmiş. O, ilk ifadəsində "Niyə yandırırsan?" sualına "evimi yandırıram", - deyə cavab verib.

Məlumata görə, meşəni yandırmağa çalışan şübhəli Semih Kuloğlu dördüncü yerdə yanğın törətmək istəyəndə hadisə yerində yaxalanıb. Digər 3 yerdə törətdiyi yanğınları söndürən yerli sakinlər bu hərəkətinə görə Kuloğluya hücum etmək istəyiblər. Lakin polis şübhəlini hadisə yerindən dərhal uzaqlaşdırıb.