Türkiyə və Ermənistanın münasibətlərinin normallaşdırılması üzrə xüsusi nümayəndələri Serdar Kılıç və Ruben Rubinyan arasında Rusiyanın paytaxtı Moskvada keçirilən ilk görüş başa çatıb.

"Unikal" Türkiyə KİV-ə istinadən xəbər verir ki, danışıqlar 1,5 saat çəkib.

Görüşdə iki ölkə arasında münasibətlərin normallaşdırılması müzakirə olunub.

***13:06

Türkiyə və Ermənistan xüsusi nümayəndələri ilk görüş üçün Moskvada Rusiya Xarici İşlər Nazirliyinə gəliblər. 

"Unikal" xəbər verir ki, bu barədə RİA Novosti məlumat yayıb.

Ermənistan-Türkiyə dialoq prosesində Ermənistanın xüsusi nümayəndəsi Ermənistan Milli Assambleyasının sədr müavini Ruben Rubinyan, Türkiyənin nümayəndəsi isə Türkiyənin ABŞ-dakı keçmiş səfiri Serdar Kılıçdır.