Ermənistanda keçirilən prezident seçkilərinin iştirakçısı olan namizədlər birgə bəyanatla çıxış etmək üçün danışıqlar aparır.

Müxalifətdə olan Azadlıq Partiyasının namizədi Qrant Baqratyan belə bir müzakirələrin aparıldığını təsdiqləyib. Görüşün sonunda bəyanatın imzalanmasına gəlincə isə, namizəd bu barədə qərarın hələlik qəbul edilmədiyini vurğulayıb.

Namizəd seçki zamanı çox sayda qanun pozuntusunun olduğunu bildirərək hətta Moskvada olan şəxslərin səs verdiyinə dair faktların olduğunu deyib.

Qeyd edək ki, seçkilərdə Serj Sarkisyanın əsas rəqibi hesab edilən Raffi Ovannisyan özünü seçilmiş prezident elan edib. Sarkisyanı hakimiyyəti xalqa təhvil verməyə çağıran R.Ovannisyanın qanun pozuntuları ilə bağlı fikrinə digər namizədlərdən də dəstək gəlib: “Biz qanun pozuntuları ilə bağlı fikrilərlə razıyıq. Ancaq qalan məsələləri Raffi Ovannisyan özü həll etməlidir”.

Ermənistan qarışır; uduzan namizədlər birləşdi