Türkiyə prezidenti Rəcəb Tayyib Ərdoğan rusiyalı həmkarı Vladimir Putinə hərbi əməliyyatları birtərəfli qaydada dayandırmağı təklif edib.

"Unikal" xəbər verir ki, bu barədə "Anadolu" agentliyi məlumat yayıb. 

Bundan əvvəl Türkiyə prezidenti Rəcəb Tayyib Ərdoğan Rusiya prezidenti Vladimir Putinlə telefon danışığı zamanı qaz qovşağının yol xəritəsinin ən qısa zamanda başa çatdırılması planlarından danışıb.

KİV-in məlumatına görə, Ərdoğan Türkiyədə qaz qovşağının yaradılması üçün infrastrukturun gücləndirilməsindən danışıb və respublikanın yol xəritəsini tamamlamağa və onun tezliklə həyata keçirilməsi üçün konkret addımlar atmağa çalışdığını vurğulayıb.

***13:14

Türkiyə Prezidenti Rəcəb Tayyib Ərdoğanla Rusiya lideri Vladimir Putin arasında telefon danışığı olub.

"Unikal" TASS-a istinadən xəbər verir ki, bu  barədə Kremlin mətbuat xidməti məlumat yayıb. 

Bildirilir ki, tərəflər Rusiya-Ukrayna müharibəsini və Suriyanı da müzakirə ediblər.

Gülayə Mecid