Türkiyə Prezidenti Rəcəb Tayyib Ərdoğan və rusiyalı həmkarı Vladimir Putin arasında telefon danışığı baş tutub.

"Unikal" xəbər verir ki, bu barədə Türkiyə Prezidenti Administrasiyası məlumat yayıb.Qeyd olunub ki, danışıq zamanı taxıl dəhlizinin fəaliyyəti, Rusiyadan Türkiyəyə gələcək taxıldan hazırlanan unun ehtiyacı olan Afrika ölkələrinə göndərilməsi müzakirə olunub.

Prezident Ərdoğan Rusiya və Ukrayna arasında daimi sülhün təmin olunması məsələsində ölkəsinin vasitəçilik rolunu üzərinə götürməyə hazır olduğunu da vurğulayıb.

18:26

Rusiya prezidenti Vladimir Putin və Türkiyə prezidenti Rəcəb Tayyib Ərdoğan arasında telefon danışığı baş tutub.

"Unikal" xəbər verir ki, bu barədə Kremlin mətbuat xidməti məlumat yayıb.

Liderlər Rusiya qazının tədarükü və Türkiyədə regional qaz qovşağının yaradılması sahəsində əməkdaşlığa hazır olduqlarını bildiriblər.

“Hər iki tərəf Rusiya-Türkiyə əməkdaşlığını daha da hərtərəfli inkişaf etdirmək niyyətini təsdiqləyib. Prioritetlər arasında enerji sektorunda əməkdaşlıq, o cümlədən Rusiya təbii qazının tədarükü və Türkiyədə regional qaz qovşağının yaradılması var” , - Kremlin saytında qeyd olunub.