Əməkdar artist Könül Kərimova yeni işlərindən danışıb.

Unikal.org xəbər verir ki, müğənni bu haqda belə deyib:

"Ailəmdə ard-arda baş verən xoş hadisələr məni sözün həqiqi mənasında çox yordu. Sözün düzü, bir az da tənbəlləşdim. Buna görə də uzun müddət nə yeni mahnı yazdırdım, nə də ki, klip çəkdirdim. Artıq qərar vermişəm, tənbəlliyimə son qoyuram. Böyük sənət partlayışları edəcəyəm. Bir-birinin ardınca yeni mahnılar, kliplər, duetlər edəcəyəm. Sevənlərim məndən böyük solo konsert də gözləsin".