Müəllimlər günü ilə əlaqədar Sabirabad rayonunun Türkədi kənd sakinləri təhsil naziri Ceyhun Bayramov və ölkə başçısına müraciət ediblər.

Rayon sakinləri Unikal.org-a müraciət edərək bildiriblər ki, adıçəkilən kənddə yerləşən məktəb qəzalı vəziyyətdədir.

Valideynlər övladlarını uçmaq təhlükəsi ilə üz-üzə qalan məktəbə göndərməyə qorxduğunu dilə gətiriblər. Hətta diqqətə çatdırılıb ki, məktəb ilanlarla doludur.

Ailələr övladlarının yaxşı təhsil alması üçün yeni məktəb binasının tikilməsini xahiş edirlər. Valideynlərin bildirdiyinə görə, uşaqlar bu məktəbdə virusa yoluxub, xəstələnirlər.