Xəbər verdiyimiz kimi, bu gün səhər saatlarında Qarabağ Qazilər Birliyinin sədri, 1-ci qrup Qarabağ qazisi Etimad Əsədov vəfat edib. 

Qarabağ qazisi ilə vida mərasimi keçirilir.

Unikal.org-un məlumatına görə, məclisdə Əsədovun döyüş yoldaşları, dostları, Müsavat Partiyasının sabiq başqanı İsa Qəmbər, Müsavat Partiyasının icra aparatının rəhbəri Gülağa Aslanlı, Vətəndaş və İnkişaf Partiyasının sədri Əli Əliyev, Azərbaycanın keçmiş daxili işlər naziri İsgəndər Həmidov, Klassik Xalq Cəbhəsi Partiyasının lideri Mirmahmud Mirəlioğlu və ƏƏSMN-nin mətbuat xidmətinin rəhbəri Fazil Talıbov iştirak edirlər.

Qazinin cənazəsi dəfn edilmək üçün Fatmayı qəbiristanlığına yola salınıb.(15:20)

*** 
Qarabağ Qazilər Birliyinin sədri, 1-ci qrup Qarabağ qazisi Etimad Əsədovuncənazəsi Fatmayı qəbiristanlığında torpağa tapşırılıb.

Qeyd edək ki, E.Əsədov bir neçə müddət idi ki, ağciyər xərçəngindən əziyyət çəkirdi.