Heydər Əsədov 2 vəzifəli şəxsi işdən çıxardı
Baş Dövlət Texniki Nəzarət Müfəttişliyinin rəisi və baş mühasibi ciddi nöqsanlara yol verdiklərinə görə tutduqları vəzifələrindən azad edildi
Kənd Təsərrüfatı Nazirliyində Baş Dövlət Texniki Nəzarət Müfəttişliyinin fəaliyyəti ilə bağlı iclas keçirilib.
"Unikal"ın məlumatına görə, müfəttişliyin rəisi Nazim Babayev Baş Dövlət Texniki Nəzarət Müfəttişliyinin fəaliyyəti barədə məlumat verib, Bakı şəhəri müfəttişlərin hesabatı dinlənilib. Nazir Heydər Əsədov müfəttişliyin müasir tələblər səviyyəsində yenidən qurulması, elektron uçot sisteminin təşkili, hüquqi bazanın yaradılması və sürücülük vəsiqələrinin verilmə mexanizminin təkmilləşdirilməsi məqsədi ilə nazirliyin müvafiq şöbələrinə tapşırıq və tövsiyələrini verib. N.Babayev və baş mühasib Vahid Niyazəliyev işdə ciddi nöqsanlara yol verdiklərinə görə tutduqları vəzifələrindən azad ediliblər. Təqaüd yaşı çatmış iki əməkdaş isə təqaüdə göndərilib.
İnformasiya şöbəsi
.jpeg)
