23 Oktyabr 2019
6 yaşlı qız 55 yaşlı Seyidə ərə verildi - VİDEO
6 yaşlı qız 55 yaşlı Seyidə ərə verildi - VİDEO VİDEO 10:40 2016-08-06

Əfqanıstanda 55 yaşlı Seyid 6 yaşlı qızla evlənib.

Qızın atası övladına görə "süd pulu" qismində bir keçi, bir kisə düyü, 12 qutu çay, bir qutu yağ və yarım kisə qənd alıb.

Toydan sonra "təzə" bəy Seyid Əbdülkərimlə qızın atası həbs olunublar.
Olay Əfqanıstanın Qor vilayətindəki Firozgoh rayonunda yaşanıb.

Unikal.org milli.az-a istinadən xəbər verir ki, bu barədə Al Jazeera məlumat yayıb. Bildirir ki, 7 yaşlı Çarabgülün atasının polisdə verdiyi ifadəsinə görə, qızını 55 yaşlı kişiyə ərə vermək istəmirdi, amma ehtiyac buna vadar edib: "Ailəm çox acdı, yoxsuluq, yeməyə heç nə tapmırdıq. Qızımı ərə verməyimin səbəbi də o biri uşaqlarımı saxlamaq istəyi olub. Üstəlik, qızımı ərə verəndən sonra evdə yeyənlərin sayı bir nəfər azalacaqdı".
Əfqanıstanın Ədliyyə Naziri Çərabgülün ata və anasını valideyn hüquqlarından məhrum etməyə hazırlaşır.

Olay barədə polisə Firozgahın mollası xəbər verib.

"55 yaşlı Seyid yanında 6 yaşlı qızla yanıma gəldi. Elə bildim uşağa dua yazdırmaq istəyir. Qız dayanmadan ağlayırdı. Soruşanda ki, nəvənənə olub, niyə ağlayır - kişi başını buladı. Dedi ki, bu uşaq onun qızı nəvəsi yox, arvadıdır: "Halal arvadımdır, toy gecəmiz də olub". Dəhşətə gəldim. Bu murdar adama söydüm, həyətə qovdum və dərhal polisə zəng vurdum", - molla Zahir Ömər deyib.
Ötən həftə Əfqanıstanda 60 yaşlı molla 7 yaşlı qızla "evləndiyi" üçün həbs olunmuşdu.