21 Oktyabr 2019
20 Oktyabr 2019
“Formula-1" telekommunikasiya xidmətləri ilə tam təchiz edilib
“Formula-1" telekommunikasiya xidmətləri ilə tam təchiz edilib İQTİSADİYYAT 12:51 2019-04-23

26-28 aprel tarixlərində Bakı şəhərində keçiriləcək 2019 “Formula 1” Azərbaycan Qran Prisi çərçivəsində Nəqliyyat, Rabitə və Yüksək Texnologiyalar Nazirliyi tərəfindən yarışların telekommunikasiya xidmətləri ilə təminatı üçün zəruri tədbirlər görülüb.

Unikal.org xəbər verir ki, “Bakı Şəhər Halqası Əməliyyat Şirkəti”nin tələbatına uyğun olaraq mövcud infrastrukturdan istifadə etməklə tələb olunan sayda və istiqamətlərdə optik liflər, eləcə də, beynəlxalq çıxışları təmin edilməklə telefon xətti ayrılıb.

Həmçinin, “Bakı Şəhər Halqası” keçən küçə və prospektlərdə kabel-kanalizasiya qurğularının mühafizəsi təmin edilib.

Eyni zamanda, dayanıqlı, yüksəksürətli internet təminatı üçün müvafiq işlər görülüb. Daha keyfiyyətli radiorabitə xidmətləri və TV yayımı üçün yüksək parametrlərə malik optik kabel və 500-dək radiotezlik nominalı ayrılıb.

Bu da yarışlar zamanı istifadə ediləcək radioelektron vasitələrinin, televiziya və FM radio proqramlarının maneəsiz işinə imkan verəcək.