19 İyul 2019
18 İyul 2019
Qurban Qurbanov: 90 dəqiqə topa biz nəzarət etdik
Qurban Qurbanov:90 dəqiqə topa biz nəzarət etdik İDMAN 22:46 2019-07-10

"Ümumi götürdükdə, 90 dəqiqə ərzində topa biz nəzarət etdik. Rəqibin bu qədər müdafiədə oturacağını gözləmirdik". 

Unikal.org  xəbər verir ki, bunu "Qarabağ"ın baş məşqçisi Qurban Qurbanov deyib. 

Ağdam klubu Çempionlar Liqasının I təsnifat mərhələsinin ilk matçında səfərdə "Partizani" ilə 0:0 hesablı heç-heçə edib. Komandanın baş məşqçisi oyunsonrası mətbuat konfransında matçla bağlı fikirlərini açıqlayıb: "Taktiki cəhətdən çox intizamlı oynadılar. Rəqib ikinci hissənin əvvəllərində bir neçə epizod yaratdı. Azarkeşləri önündə nə isə etməyə çalışırdılar. "Partizani" göstərdi ki, sürətli əks-hücuma çıxa biləcək yaxşı oyunçuları var, Bakıda da buna hazır olmalıyıq. Bu qarşılaşmanı ümumi analiz etdikdən sonra cavab matçında müəyyən dəyişikliklər edə bilərik".

Qeyd edək ki, komandalar arasında cavab oyunu iyulun 17-də olacaq.