18 Oktyabr 2019
Arif Qasımov növbəti səyyar qəbul-görüş keçirib - FOTOLAR
Arif Qasımov növbəti səyyar qəbul-görüş keçirib -FOTOLAR CƏMİYYƏT 16:00 2019-08-14

14 avqust 2019-cu il tarixində 61 №-li tam orta məktəbdə Nizami Rayon İcra Hakimiyyətinin başçısı Arif Qasımov tərəfindən R.Rüstəmov küçəsi 76, 78, 80, 80a, 86 ünvanlarda yaşayan sakinlərlə növbəti səyyar qəbul-görüş keçirilib.

İH-dən Unikal.org-a verilən məlumata görə, görüşdə Azərbaycan Respublikası Prezidenti Administrasiyasının məsul əməkdaşı Tağı Tağıyev, Rayon İcra Hakimiyyəti başçısı aparatının məsul işçiləri, 3 №-li sahə inzibati ərazi dairəsi üzrə nümayəndəliyin əməkdaşları, rayonun xidmət sahələrinin rəhbərləri və rayon sakinləri iştirak ediblər.

Səyyar qəbulda vətəndaşlar yaşadıqları binanın su navalçalarının  bərpası, pilləkən qəfəsələrindəki pəncərələrin şüşələnməsi, dam örtüyünün təmiri, məhəllənin abadlaşdırılması, küçə işıqlarının bərpası və digər sosial məsələlərlə bağlı Rayon İcra Hakimiyyətinin başçısı Arif Qasımova müraciət ediblər.

Rayon rəhbəri tərəfindən vətəndaşların təklif, müraciət və şikayətləri dinlənilib, onları narahat edən bu və ya digər məsələlərlə bağlı verdikləri suallar ətraflı cavablandırılıb.
Vətəndaşların müraciətlərində qaldırılan məsələlərin böyük bir qismi yerindəcə həll olunub, araşdırılmasına ehtiyac olan bir sıra məsələlərin isə qanunvericiliyə uyğun, operativ həlli üçün aidiyyəti qurumların rəhbərlərinə müvafiq tapşırıqlar verilib və onların həlli nəzarətə götürülüb.

Sonda Azərbaycan Respublikasının Prezidenti Administrasiyasının məsul əməkdaşı Tağı Tağıyev Azərbaycan Respublikası Prezidenti cənab İlham Əliyevin tapşırığına uyğun olaraq mütəmadi olaraq yerlərdə səyyar qəbul və görüşlər keçirildiyini bildirib və belə görüşlərin təşkilində məqsədin əhalini narahat edən problemlərin yerindəcə öyrənilməsi və operativ həll edilməsi olduğunu diqqətə çatdırıb.


  • Arif Qasımov növbəti səyyar qəbul-görüş keçirib -FOTOLAR
  • Arif Qasımov növbəti səyyar qəbul-görüş keçirib -FOTOLAR
  • Arif Qasımov növbəti səyyar qəbul-görüş keçirib -FOTOLAR
  • Arif Qasımov növbəti səyyar qəbul-görüş keçirib -FOTOLAR
  • Arif Qasımov növbəti səyyar qəbul-görüş keçirib -FOTOLAR