Ermənistanın keçmiş prezidenti Serj Sarkisyan 2016-cı ildə baş vermiş aprel döyüşləri ilə əlaqədar sorğu-sual ediləcək.

Unikal.org erməni KİV-lərinə istinadən xəbər verir ki, bu barədə Ermənistanın “Mənim addımım” parlament fraksiyasının üzvü, Müdafiə və təhlükəsizlik üzrə daimi komissiyasının rəhbəri Andranik Koçaryan bildirib.

Onun sözlərinə görı, Sarkisyan komissiyaya dəvət olunacaq. Bundan əvvəl isə ona hansı sualların veriləcəyi müəyyən ediləcək:

“Biz əvvəlcə sualların tam siyahısını hazırlamalıyıq. Bundan sonra Sarkisyanı komissiyaya dəvət etmək olar”.

Qeyd edək ki, işğalçı Ermənistan ordusu aprel döyüşlərində ağır məğlubiyyətlə üzləşib. O zaman Ermənistanın prezidenti Serj Sarkisyan olub.