İranda itkin düşmüş sabiq deputat Seyyid Əli Hüseynzadənin meyiti tapılıb. 

Unikal.org apa-ya istinadən xəbər verir ki. bu barədə Kohkuliyə-Boyer Əhməd əyalətinin ekspertiza mərkəzinin müdiri Möhsin Cəlil bildirib.

Onun sözlərinə görə, axtarış zamanı 60 yaşlı sabiq deputatın meyiti Yasuc şəhərinin Əbuzər xiyabanında yerləşən yarımçıq tikilinin liftinin şaxtasında aşkar edilib. 

Deputatın ölüm səbəbi araşdırılır.

Qeyd edək ki, sabiq deputat 3 gün öncə itkin düşüb.

Xatırladaq ki, Seyyid Əli Hüseynzadə 1984-1988-ci illərdə parlamentdə deputat olub. Eyni zamanda o, Kohkuliyə-Boyer Əhməd əyalətinin İslami İrşad və Mədəniyyət Nazirliyində çalışıb.