"Əminliklə bildirmək istəyirəm ki, ölkəyə koronavirusla əlaqəli ən təhlükəsiz və ən effektli vaksinlər gətiriləcək".

Unikal.org xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti Yanında Operativ Qərargahın brifinqində deyib.

TƏBİB sədrinin fikrincə, gələn il üçün vaksinasiya aparılacaq: "Vaksinasiya "Biz birlikdə güclüyük" devizi altında keçiriləcək və virusa qarşı mübarizədən qalib kimi çıxacağıq".