Xəbər verdiyimiz kimi, Azərbaycan Ordusunun müddətli həqiqi hərbi xidmət hərbi qulluqçusu əsgər Məmmədli Cavidan Abduləziz oğlu silahla davranış qaydalarının ciddi şəkildə pozulması nəticəsində həlak olub.

"Unikal"ın əldə etdiyi məlumata görə, o, əslən Şəki şəhərindəndir. C.Məmmədlinin atası idman müəllimi olub, bir müddət öncə ürək əməliyyat olub. Əməliyyat olunduqdan sonra işləyə bilməyib. Əsgərimizin anası evdar qadın olub. 2 bacısı var. Onlar Türkiyədə təhsil alıblar.

Cavidan Məmmədli özü isə qəbul imtahanında 600-dən yuxarı bal toplayaraq Azərbaycan Texnologiya Universitetinə qəbul olub. O, iyul ayında hərbi xidmətdən geri dönəcəkmiş.

Murad İbrahimli