Bu gün Azərbaycan Kubokunun 1/4 final mərhələsinə yekun vurulacaq.

"Unikal" xəbər verir ki, son oyun günü üçün nəzərdə tutulan 2 görüşdən artıq 1-i başa çatıb.

"Qəbələ" "Sumqayıt"ı qəbul edib. Oyun 1:1 hesabı ilə başa çatıb. İlk görüşdə 1:0 hesablı qələbə qazanan "Qəbələ" yarımfinala yüksəlib. Elmar Baxşıyevin komandası bu mərhələdə "Qarabağ"la qarşılaşacaq.

Günün digər matçında isə "Zirə" "Səbail"in qonağı olub. İlk oyunda 4 cavabsız qolla qalib gələn "Zirə" bu dəfə 3:1 hesablı qələbə ilə yarımfinala yüksəlib.

Azərbaycan Kuboku, 1/4 final

Cavab oyunu

13 fevral (bazar)

18:00. “Səbail” – “Zirə” - 1:3 

Qollar: Ruslan Hacıyev, 7 (1:0), Ağabala Ramazanov, 21 (1:1), TƏmkin Xəlilzadə, 39-pen. (1:2), Coşqun Diniyev, 73 (1:3)
Hakimlər: Əliyar Ağayev, Cavanşir Yusifov, Müslüm Əliyev, Rauf Cabarov
“ASCO Arena”

İlk oyun - 0:4

15:00. “Qəbələ” – “Sumqayıt” - 1:1 

Qol: İsnik Alimi, 18 (1:0), Araz Abdullayev, 82-pen. (1:1)

Hakimlər: Kamal Umudlu, Rəhman İmami, Vüsal Məmmədov, Fərid Hacıyev
Qəbələ şəhər stadionu

İlk oyun - 1:0

12 fevral (şənbə)

“Sabah” – “Neftçi” - 1:3

İlk oyun - 1:1

11 fevral (cümə)

“Keşlə” – “Qarabağ” - 0:6

Yarımfinal cütləri

"Qəbələ" - "Qarabağ"

"Zirə" - "Neftçi"

Qeyd edək ki, yarımfinalın ilk oyunları aprelin 20-də, cavab matçları isə 29-da keçiriləcək.