Kürdəmirdə minik avtomobili yanaraq külə dönüb.

"Unikal" xəbər verir ki, hadisə rayonun Atakişili kəndi ərazisində qeydə alınıb. İlkin məlumata görə, minik avtomobilinin sürücüsü, rayonun Atakişili kənd sakini Ruslan Əzimov hərəkətdə olarkən idarəetməni itirib və avtomobil yoldan çıxaraq aşıb. Qəza nəticəsində avtomobil yolun kənarında olan elektrik dirəyinə çırpılıb və anidən alışıb.

Alovun qarşısını almaq mümkün olmayıb, nəticədə avtomobil tamamilə yanaraq külə dönüb.

Hadisə yerinə Fövqəladə Hallar Nazirliyinin Kürdəmir rayon Dövlət Yanğından Mühafizə Hissəsinin texnikası və canlı qüvvəsi cəlb olunub. Alovun ətraf ərazilərə keçməsinin qarşısı alınıb.

Hazırda faktla bağlı araşdırma aparılır.

*** 17:46

Kürdəmir rayonunun Atakişili kəndində “VAZ” markalı minik avtomobili yol kənarına aşıb.

"Unikal" FHN-nin saytına istinadən xəbər verir ki, nəticədə avtomobilin mühərrik hissəsi və salonu yanıb.

Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.