Şamaxı rayonunun Nağarakənd kəndində ölümlə nəticələnən yol-nəqliyyat hadisəsi baş verib.

Daxili İşlər Nazirliyindən Unikal.org-a verilən məlumata görə, avqustun 11-də saat 21 radələrində Şamaxı rayonunun Nağarakənd kəndində şəhər sakini Arif Binyətov idarə etdiyi "VAZ-2106" markalı avtomobili aşırıb.

Qəza nəticəsində onun 3 sərnişini xəstəxanaya yerləşdirilib, onlardan Səxavət Cəbiyev orada ölüb.