1.4 milyard dollara inşa edilən və 2010-cu ildə "Dünyanın ən lüks" oteli seçilən Mardan Palace Hotelin suyunu borca görə kəsiblər.

Unikal.org-un əldə etdiyi məlumata görə, buna görə də otelin rəsmiləri yaranan borclara görə qonaq qəbulunu dayandırıblar.Bundan bir müddət öncə borclara görə otelin elektrik enerjisi dayandırılmışdı.Borc ödəndikdən sonra isə yaranan problem həllini tapmışdı.Otelin təxminən 550 min manatlıq ödənməyən su pulu ödənişinə görə 15 gün öncə "Mardan Palaca"ya suyun verilişi dayandırılıb.

Digər tərəfdən borc bataqlığında olan otelin səlahiyyətli şəxsləri turizm sezonunun ən əlverişli ayının ilk həftələrində turist qəbulunu dayandırmaq qərarınagəliblər.