25 May 2019
Bakıda parkinq qiymətləri 2 dəfə qaldırıldı
Bakıda parkinq qiymətləri 2 dəfə qaldırıldı İQTİSADİYYAT 13:30 2019-01-08

Bakı şəhərində parkinqlərdə qiymət artırılıb. 

Unikal.org BakuPost-a istinadla xəbər verir ki, Bakı şəhər İcra Hakimiyyətindən alınaraq Bakı Nəqliyyat Agentliyinin ixtiyarına verilmiş parkinqlərdə bu ildən qiymətlər iki dəfə artırılıb. 

Məsələn, Bakıda Qış Parkında yerləşən parkinqdə bir avtomobil üçün aylıq abunə haqqı 30 manatdan 60 manata qaldırılıb. Hökumət Evi yaxınlığında isə parkinqdə aylıq abunə haqqı artıq 40 manat deyil, 80 manatdır. 

Sürücülər artıq sosial şəbəkələrdə "üsyan” etməyə başlayıblar. Müxtəlif qruplarda bu barədə yazan sürücülər, BNA-nın bu qərarını heç nə ilə izah etmədiyini bildirirlər.