Prezidentin sabiq köməkçisi Əli Həsənovun səhhətində ciddi problemlər yaranıb və təcili olaraq Türkiyəyə yola salınıb. 

Unikal.org xəbər verir ki, ailə üzvləri bildirir ki, son bir neçə həftə ərzində Ə.Həsənovun ürək-damar sistemindəki problemlər kəskin şəkildə özünü biruzə verməyə başlamış və ev şəraitində müalicə almışdı. 

Dünən gecə isə səhhəti qəflətən pisləşdiyi üçün Türkiyəyə yola salınıb və xəstəxanaya yerləşdirilib.

Məlumata görə, Ə.Həsənov ciddi ürək çatışmazlığından, kəskin aritmiya və damar keçirməzliyindən əziyyət çəkir. 

Qeyd edək ki, Ə.Həsənov 2013-cü ildə infarkt keçirdikdən sonra təcili olaraq Almaniyaya aparılıb və bir ayın içərisində iki dəfə açıq ürək əməliyyatı edilib. (Vətəninfo.com)