"Qaydasız döyüş" idman növündə dəfələrlə ölkədaxili və xarici yarışlarda birinci yeri tutan əsgərimiz şəhid olub.
Unikal.org xəbər verir ki, şəhid Tarıverdiyev Nicat Şöhrət oglu ailənin tək övladı olub.
4 ayın əsgəri olan Nicat Ağdərə istiqamətində gedən döyüşlərdə Tarixi Qələbəyə bir saat qalmış qəhramancasına şəhid olub. Anasına son sözü "Mənim üçün nigaran qalmayın, yaxşıyam, Qarabağımızı alıb qayıdacağıq" olub.
Bildirilir ki, son dəfə noyabrın 8-də anası ilə telefonla danışan Nicat fəxrlə anasına Şuşanın alınması xəbərini çatdırıb.
