Futbol üzrə dünya çempionatının seçmə mərhələsi çərçivəsində növbəti oyunlar keçirilib.

Unikal.org  xəbər verir ki, B qrupunda mübarizə aparan Gürcüstan millisi bu gün növbəti oyununa çıxıb. Paytaxt Tbilisidə Gürcüstan və İspaniya milli komandaları qarşılaşıblar.

"Dinamo Arena"da keçirilən görüş İspaniya yığmasının 2:1 hesablı qələbəsi ilə başa çatıb. Matçı stadionda 30 minə yaxın tamaşaçı izləyib.

Qeyd edək ki, Gürcüstan millisi ilk oyununda İsveç komandasına 1:0 hesabı ilə məğlub olmuşdu.