Britaniyalı milyonçu İtaliya sahillərində yaxta qəzasında ölüb.
"Unikal" Daily Mail-ə istinadən bildirir ki, İtaliyada yaxtada qəza nəticəsində ölən britaniyalının milyonçu Din Kronsbeyn olduğu üzə çıxıb .
Tibbi maska istehsalı şirkətinin sahibi Din Kronsbeyn Sardiniya sahillərində yaxtanın qəzaya uğraması nəticəsində dünyasını dəyişib. Gəmi qayalara çırpılan zaman 61 yaşlı milyonçu həyat yoldaşı və qızı ilə göyərtədə olub. İlkin məlumatlara görə, qəza Porto Cervo kurortunun yaxınlığında, kapitan yaxtanı qarşıdan gələn gəmidən yayındırmaq istəyərkən baş verib. Yaxta sonda sualtı qayalara çırpılıb, Kronsbein dənizə düşüb.
Milyonçu sudan çıxarılıb, lakin onu xilas etmək mümkün olmayıb. Həyat yoldaşı və qızı sağ qalıb, lakin ağır yaralanıb.
Britaniya Xarici İşlər Nazirliyi yaxtanın kapitanının yerli hakimiyyət orqanları tərəfindən araşdırıldığını və dindiriləcəyini bildirib. Kronsbenin yaxtada olan dörd dostu da daxil olmaqla bir neçə digər şahid, xilas etməyə gələn digər qayıqların xilasediciləri də dindiriləcək.
