Dünən gecə İranda son iki ayın ən böyük inqilabi qiyamı baş verib.
"Unikal" İran KİV-lərinə istinadən xəbər verir ki, böyükdən kiçiyə hər kəs "Xamneyiyə ölüm" və "qadın, həyat, azadlıq" şüarları səsləndiriblər.
Böyük şəhərlərdə - Tehran, Təbriz, İsfahan, Şiraz, Məşhəd, Kirmanşah, Kirman, Xomeyn, Həmədan və s. müxtəlif yerlərdə etiraz aksiyaları keçirilib.
Bununla bağlı, dünən gecə molla rejimi müxtəlif şəhərlərdə qətliamlara başlayıb. İzeh bölgəsində 10 yaşlı uşaq Kian Pirmolek öldürülüb. Avtomobilin atəşə tutulması nəticəsində 3 güllə Kianın atası Mayşam Pirflekin kürəyinə dəyib. Şəhərdə ölənlərin sayı hələlik dəqiq deyil.
İzehdəki atışmada həlak olanlardan biri də 14 yaşlı yeniyetmədir. Onun cəsədi ailəsinə təhvil verilməyib.
Ağarza Elçinoğlu