Çinin Aliexpress internet platforması Rusiyadan olan müştərilərə dronların satışını əngəlləyib.
"Unikal" xəbər verir ki, axtarış bu məhsullar üçün kartları qaytarsa da, keçiddən sonra mağaza xəta verir və “Belə səhifə yoxdur” yazısı görsənir.
İndi ruslar Çinin DJI və Autel şirkətlərinin istehsalı olan pilotsuz uçuş aparatlarını ala bilmirlər. Eyni zamanda, artıq alınmış dronların funksionallığı məhdud idi, əlavə olaraq, DJI öz dron idarəetmə tətbiqini Rusiyanın AppStore-dan silib.
DJI deyir ki, o, “ruslara xidmət göstərmir” və “heç kimin hərbi fəaliyyətinə töhfə vermir”.
Bundan əvvəl ABŞ Rusiyaya silah tədarükünə görə Çinə sanksiyalar barədə xəbərdarlıq edib , Kiyev isə Çindən Rusiyaya silah tədarükü ilə bağlı onların əllərində dəlil olmadığını bildirib .
Eyni zamanda, fevralın 27-də Çin Rusiya Federasiyasına hərbi yardım göstərmək ittihamı ilə ABŞ-ın təhdidlərinə dözməyəcəklərini açıqlayıb .
