Rusiya prezidenti Vladimir Putin, Belarusiya prezidenti Aleksandr Lukaşenko, Qazaxıstan prezidenti Kasım-Jomart Tokayev və Qırğızıstan Prezidenti Sadır Japarov eyni mikroavtobusda Kremlə qeyri-rəsmi şam yeməyinə gəliblər.

"Unikal" xəbər verir ki, görüntüləri rusiyalı jurnalist Pavel Zarubinə aid teleqram kanalı yayıb. 

Jurnalistin bildirdiyinə görə, adətən xarici ölkələrin liderləri Kremlin girişinə öz avtomobillərində gəlirlər. Amma bu dəfə liderlər qeyri-standart şəkildə mikroavtobusda gəliblər.

"Sabah Ermənistanın baş naziri də bu görüşə qatılacaq".-deyə jurnalist bildirib.