Ukrayna ordusu daha bir yaşayış məntəqəsini işğaldan azad edib. 

"Unikal" xəbər verir ki, bu barədə Zaporojye ayrı-ayrı Ərazi Müdafiə Briqadası məlumat yayıb. 

Qeyd olunub ki, hərbçilər Zaporojye bölgəsinin Novodarivka kəndini geri qaytarıb: "Düşmənin bir neçə gündür davam edən yaşayış məntəqəsini nəzarətə qaytarmaq üçün çoxsaylı cəhdləri uğursuz alınıb".

***10:05

Ukraynalı müdafiəçilər Donetsk vilayətində irəliləməyə davam edir.  

"Unikal" UNİAN-a istinadla xəbər verir ki, Odessa dəniz piyadaları əks-hücum çərçivəsində Donetsk vilayətinin Storojevoye kəndini işğaldan azad edib. 

Dəniz Piyadaları Korpusunun 35-ci Əlahiddə Briqadasının məlumatına görə, qəsəbə 2022-ci ilin martından işğal altındadır: "Qəsəbənin təmizlənməsi zamanı əlliyə yaxın rus öldürülüb, 4 nəfər əsir götürülüb. Bu gün yenidən Storojevoye üzərində dövlət bayrağı dalğalanır və biz bütün Ukrayna torpaqlarını azad edənə qədər hər yaşayış məntəqəsində belə olacaq".

Kəndin işğaldan azad edilməsini Ukrayna Müdafiə Nazirliyi də təsdiqləyib. Nazir müavini Anna Malyar dəniz piyadalarına təşəkkür edib və bütün Ukrayna torpaqlarının azad ediləcəyini vurğulayıb.

Ağarza Elçinoğlu