Corc Sorosun Açıq Cəmiyyət Fondu bütün dünya üzrə işçilərinin 40%-ni ixtisar edəcək və fəaliyyətini ABŞ-da daxili siyasətə yönəldəcək.
"Unikal" xarici KİV-ə istinadən xəbər verir ki, bu barədə təşkilatın yeni rəhbəri, Corc Sorosun oğlu Oleksandr Soros qərar verib.
Milyarder Corc Soros tərəfindən təsis edilən qeyri-kommersiya təşkilatı yaxın aylarda işçilərinin ən azı 40 faizini ixtisar etməyi planlaşdırır.
Corc Soros 2021-ci ilin sonuna 500-dən çox işçisi olan qeyri-kommersiya təşkilatına 32 milyard dollardan çox ianə edib. Fond cinayət ədaləti islahatlarından tutmuş iqlim dəyişikliyi təşəbbüslərinə qədər humanitar və demokratik səbəblərə pul verir.
Mövcud olan ən son vergi formasına əsasən, qeyri-kommersiya təşkilatının 2021-ci ildə ən böyük xərci kompensasiya olub. Fond maaşlara təxminən 72 milyon dollar, müavinət və pensiya planlarına isə 40 milyon dollar xərcləyib.
