Bakı Ağır Cinayətkər Məhkəməsində sabiq deputat Hacı Hacı Baba oğlu Salayevin zərərçəkmiş qismində tanındığı cinayət işinin hazırlıq iclası baş tutub.

"Unikal"ın məlumatına görə, Cinayət Məcəlləsinin 178.3.2 (dələduzluq, külli miqdarda törədildikdə) maddəsi ilə təqsirləndirilən Nəcəfov Tural Rahim oğlunun məhkəmə prosesinə hakim Rasim Sadıxov sədrlik edir. Hazırlıq iclasında zərərçəkənin anket məlumatları dəqiqləşdirilib. Cinayət işində 3 nəfər, həmçinin Dövlət Gömrük Komitəsinin "Azər terminalkompleks" Birliyi zərərçəkmiş qismində tanınıb. Zərərçəkmiş Hacı Salayevin nümayəndəsi növbəti proseslərdə Hacı Salayevin özünündə iştirak edəcəyini bildirib. 

Məhkəmə prosesi aprel ayının 2-nə kimi təxirə salınıb. 

Qeyd edə ki, Hacı Salayevin oğlu Turqut Salayev FHN-nin əməliyyat- istintaq idarəsinin rəisi, qardaşı general-mayor Baba Salayev isə FHN-nin Akademiyasının rəisidir.

Azər İsrafilov