Azərbaycan Dillər Universitetinin (ADU) 5 dekanı vəzifəsindən azad olunub.

Bu barədə Unikal.org-a Universitetin mətbuat xidmətindən məlumat verilib.

Bildirilib ki, müvafiq qərarla Pedaqoji (ingilis dili və alman dili üzrə) fakültənin dekanı Vəfa Babayeva, Pedaqoji (ingilis dili və fransız dili üzrə) fakültənin dekanı Fikrət Cahangirov, Regionşünaslıq və beynəlxalq münasibətlər fakültəsinin dekanı Anar Nağıyev, Filologiya və jurnalistika fakültəsinin dekanı Sevda Vahabova və Tərcümə fakültəsinin dekanı Vilayət Hacıyev tutduqları vəzifədən azad olunublar.

Dekan vəzifələrini tutmaq üçün müsabiqə elan edilib.