21 Oktyabr 2018
20 Oktyabr 2018
"Danışıqlar prosesinə xələl gətirmək məqsədi güdür"- XİN-dən AÇIQLAMA
SİYASƏT 18:43 / 25.09.2018
Azərbaycan və Ermənistan xarici işlər nazirlərinin ATƏT-in Minsk qrupunun həmsədrlərinin vasitəçiliyilə sentyabrın 26-da Nyu-Yorkda planlaşdırılan görüşü ərəfəsində Ermənistanın atdığı bu addım həmsədrlərin fəaliyyətinə və ümumiyyətlə, münaqişənin həlli üzrə danışıqlar prosesinə xələl gətirmək məqsədi güdür.

Unikal.org-un məlumatına görə, bu barədə Azərbaycan Xarici İşlər Nazirliyinin sentyabrın 25-28-də Ermənistan tərəfindən Azərbaycanın işğal olunmuş ərazilərində hərbi aviasiyanın iştirakı ilə təlimlər keçirilməsi ilə bağlı yayılmış məlumat şərh edilərkən vurğulanıb.
"Ermənistan silahlı qüvvələrinin Azərbaycanın işğal olunmuş ərazilərində növbəti təxribatçı addımı vəziyyətin daha da gərginləşməsinə və ağır fəsadlara yol aça bilər. Azərbaycan və Ermənistan xarici işlər nazirlərinin ATƏT-in Minsk qrupunun həmsədrlərinin vasitəçiliyi ilə bu il sentyabrın 26-da Nyu-Yorkda planlaşdırılan görüşü ərəfəsində Ermənistanın atdığı bu addım həmsədrlərin fəaliyyətinə və ümumiyyətlə münaqişənin həlli üzrə danışıqlar prosesinə xələl gətirmək məqsədi güdür. Bir daha xatırladırıq ki, cəbhə bölgəsində vəziyyətin gərginləşməsinə görə bütün məsuliyyət tam şəkildə Ermənistan rəhbərliyinin üzərinə düşür", - məlumatda deyilir.