Almaniya Bundesliqasında V turun mübarizəsi davam edir.
 
Unikal.org
xəbər verir ki, bu gün daha 2 oyun baş tutub.
 
Autsayderlər zonasından uzaqlaşmağa çalışan “Volfsburq”la “Arminiya”nın duelində 3 qol qeydə alınıb. “Volfsburq” 2 dəqiqə ərzində vurduğu 2 top sayəsində meydanı qalibiyyətlə tərk edib. Bununla komanda cari mövsüm ilk qələbə sevincini yaşayıb.
 
Günün digər matçında isə yüksək pillələri hədəfləyən “Hoffenhaym” “Verder”in qonağı olub. Komandalar hərəyə 1 xalı 1 qolla əldə ediblər.
 
Qeyd edək ki, tur oktyabrın 26-da keçiriləcək “Bayer” – “Auqsburq” (23:30) görüşü ilə başa çatacaq.
 
Almaniya Bundesliqası
V tur
25 oktyabr

“Volfsburq” – “Arminiya” – 2:1
Veqorst, 19, Arnold, 20 – Şipplok, 80
“Verder” – “Hoffenhaym” – 1:1
Eggesteyn, 5 – Qeyger, 20