Qısa mesaj sonunda başqa bir oğlanla yataqda şəkilləri çıxan gənc qız özünü öldürüb. İngiltərədə 17 yaşlı Şarlotte Qay adlı gənc qız başqa bir oğlanla olan yataq şəkillərini səhvən sevgilisinə göndərdikdən sonra özünü asıb.

Unikal.org xarici mətbuata istinadən xəbər verir ki, gənc qızın yanlışlıqla sevgilisinə göndərdiyi şəkillər ötən ilin yanvar ayında çəkilibmiş.

Nyukasl Universitetində təhsil alan 20 yaşlı Cek Hurst sevgilisinin ona göndərdiyi şəkilləri gördükdən sonra şok olub. Gənc qız ona hərşeyi üz-üzə izah edə biləcəyini desə də, sevgilisi bu təkilifi rədd edib. 17 yaşlı qız sevgilisinə “Mən qorxunc biriyəm, səni sevirəm, sənin məndən nifrət etdiyini bilirəm, məni bağışla” mesajını yazdıqdan sonra özünü asaraq öldürüb.

Qızın sevgilisi bu mesajdan şübhələnib və dərhal polisə xəbər verib. Polislər gənc qızın yerini onun “Snapchat” hesabından istifadə edərək ölü vəziyyətdə tapıblar.

Şarlotte Qayın qanında yüksək dozada kokain və narkotik olduğu bildirilir.