Xəbər verdiyimiz kimi, Gürcüstanın xarici işlər naziri İliya Darçiaşvili ilə türkiyəli həmkarı Hakan Fidan arasında telefon danışığı olub.

"Unikal" xəbər verir ki, telefon danışığı zamanı nazirlər Gürcüstan və Türkiyə arasında strateji tərəfdaşlığı daha da gücləndirməyə hazır olduqlarını bir daha təsdiqləyiblər və iki ölkə arasında yüksək səviyyəli səfərlərin vacibliyi vurğulanıb.

İliya Darçiaşvili türkiyəli həmkarına Gürcüstanın ərazi bütövlüyünə və Avro-Atlantik inteqrasiyasına verilən dəstəyə görə təşəkkür edib.

Söhbət zamanı iki ölkə arasında əməkdaşlığın regiondakı sülh proseslərinin müsbət istiqamətində inkişaf etdirilməsi, regionun sabit və dayanıqlı inkişafı baxımından vacibliyi vurğulanıb.

XİN başçıları Gürcüstan-Türkiyə-Azərbaycan üçtərəfli formatının işini müsbət qiymətləndiriblər. Nazirlər üçtərəfli görüşün keçirilməsinə hazır olduqlarını ifadə ediblər.

Məlumata görə, İliya Darçiaşvili Hakan Fidanı Gürcüstana səfərə dəvət edib.

***14:36

Türkiyənin xarici işlər naziri Hakan Fidan gürcü həmkarı İliya Darçiaşvili ilə telefon danışığı aparıb.

"Unikal" xəbər verir ki, Darçiaşvili Fidanı yeni vəzifəsinə təyin olunması münasibətilə təbrik edib. 

Tərəflər bir sıra regional məsələləri müzakirə ediblər. 

Ağarza Elçinoğlu