İsrailin Qəzza şəhərinin qərbindəki Əl-Şati Qaçqınlar Düşərgəsində hərəkətdə olan avtomobili hədəf alması nəticəsində HƏMAS Siyasi Bürosunun rəhbəri İsmayıl Haniyənin üç oğlu və bir neçə nəvəsi həyatını itirib.

"Unikal" xarici KİV-ə istinadən xəbər verir ki, şahidlərin sözlərinə görə, İsrail Əş-Şati Qaçqınlar Düşərgəsinin sakinləri və onların qohumları ilə Ramazan bayramını qeyd etməyə gedən Haniyə ailəsinin çoxlu üzvlərinin olduğu avtomobili hədəfə alıb. Hücum zamanı Haniyənin ailəsi də daxil olmaqla avtomobildə olan hər kəsin yaralandığı və ya həyatını itirdiyi bildirilib.

***19:03

HƏMAS lideri İsmayıl Haniyənin üç oğlu İsrailin Qəzzaya endirdiyi hava zərbəsi nəticəsində həlak olub.

"Unikal" xəbər verir ki, bu barədə İsrail mətbuatı məlumat yayıb. 

Qəzza müharibəsinin qızışdığı bir vaxtda Misirdə atəşkəs danışıqları davam edir. İsrail rəsmiləri bildirirlər ki, ABŞ-nin təklif etdiyi atəşkəs planına əsasən, İsrail 150 min fələstinlinin təhlükəsizlik yoxlaması olmadan Qəzzanın şimalına qayıtmasına razılıq verib.  

Məlumata görə, HƏMAS Fələstinin geri qaytarılması ilə bağlı güzəştlər müqabilində hələ də əsir saxladığı qadın, qoca və xəstə girovların siyahısını təqdim etməlidir. Baş nazir Benyamin Netanyahunun ofisi iddia edilən razılaşma ilə bağlı şərh verməkdən imtina edib.

HƏMAS Misir və Qətər vasitəçilərinin son atəşkəs təklifinin onun tələblərinə cavab vermədiyini, lakin qəti cavab verməzdən əvvəl onu daha ətraflı öyrənəcəyini bildirib.

"İsrailin hava hücumları nəticəsində İsmayıl Haniyənin üç oğlunun öldürülməsi isə HƏMAS-ın rəhbərliyinə şəxsən təsir edib Bu ölümcül zərbənin Qəzza münaqişəsinə son qoymaq üçün danışıqlar davam etdiyi vaxtda vəziyyəti qeyri-sabit hala salıb", deyə İsrail KİV-ləri yazıb. 

Gülayə Mecid